लागुऔषधसहित एकजना पक्राउ

पोखरा, साउन ९ गते । पोखरा लेखनाथ महानगरपालिका–२ बागलुङ बसपार्कबाट ठूलो परिणाममा लागुऔषध सहित आइतबार एकजना युवा पक्राउ परेका छन् । लागुऔषध ओसारपसारमा संलग्न रुपन्देही जिल्लाको मायादेवी गाउँपालिका–५ लुठावाका २१ वर्षीय वासुदेव बराईलाई वडा प्रहरी कार्यालय बगरको टोलीले पक्राउ गरेको हो । भैरहवाबाट पोखरा आउने रात्रि बसमा आएका अभियुक्तको साथबाट ६० ट्याबलेट नाइट्रोभयाट, ५० एम्पुल डाइजापाम, ५० एम्पुल फेनरागन र ५० थान नुर्पिmम लागुऔषधसमेत बरामद गरेको प्रहरीले जनाएको छ ।पक्राउ परेका युवालाई आगुऔषधअन्तर्गत मुद्दा दर्ता गरी जिल्ला प्रहरी कार्यालय कास्कीले थप अनुसन्धान गरिरहेको बताइएको छ । यस क्षेत्रका सम्पूर्ण जिल्लामा आगुऔषध नियन्त्रण विशेष ‘अपरेसन सिदा’नामक कार्ययोजना सञ्चालन भएलगत्तै लागुऔषध नियन्त्रणमा सक्रियता बढेको क्षेत्रीय प्रहरी कार्यालय पोखराले जनाएकोछ ।

बस र मोटरसाइकल आपसमा ठोक्किँदा तीनको मृत्यु

कैलाली, साउन ९ गते । धनगढी उपमहानगरपालिका–१५ कनरीमा आइतबार बस र मोटरसाइकल एकआपसमा ठोक्किँदा मोटरसाइकलमा सवार तीन जनाको मृत्यु भएको छ । धनगढीबाट फुलबारीतर्फ जाँदै गरेको से१प ७८६० नंको मोटरसाइकल र फुलबारीबाट धनगढीतर्फ आउँदै गरेको से१ख ५२८ नंको सुदूरपश्चिम यातायात बस एकआपसमा ठोक्किँदा मोटरसाइकलमा सवार तीनै जनाको मृत्यु भएको जिल्ला प्रहरी कार्यालय कैलालीका प्रहरी नायब उपरीक्षक वीरबहादुर बुढामगरले जानकारी दिनुभयो ।मोटरसाइकलमा सवार कैलारी गाउँपालिका–८ का करिब २६ वर्षीय वीरबहादुर चौधरी र गौरीगंगा नगरपालिका–११ का ३० वर्षीय दीपेन्द्र चौधरीको सेती अञ्चल अस्पताल पु¥याएलगत्तै मृत्यु भएको छ भने गम्भीर घाइते कैलालीको थापापुर–९ जनकपुर गाउँका करिब २६ वर्षीय आशीष चौधरीलाई उपचारका लागि भारतको लखनऊ लैजाने क्रममा दुधुवा नेसनल पार्कको बीच बाटोमै मृत्यु भएको प्रहरीले जनाएको छ ।बससहित चालकलाई जिल्ला प्रहरी कार्यालय कैलालीले नियन्त्रमा लिएको प्रहरीले जनाएको छ । मोटरसाइकलमा सवार तीनैजना मृतकको शव सेती अञ्चल अस्पतालमा राखिएको छ ।

काँग्रेस बैठकमा निर्वाचन समीक्षा

nc

काठमाडौँ, साउन ९ गते ।  नेपाली काँंग्रेसलाई सशक्त र गतिशील पार्टी बनाउँदै मुलुकलाई शान्ति, समृद्धि र स्थायित्वतर्फ अग्रसर गराउन केन्द्रीय सदस्यहरूले जोड दिनुभएको छ ।  शनिबारबाट जारी नेपाली काँग्रेस केन्द्रीय समितिको बैठकमा आइतबार केन्द्रीय सदस्यहरूले यस्तो जोड दिनुभएको हो ।  ‘मुलुकमा शान्ति, समृद्धि र स्थायित्वका लागि पार्टीलाई गतिशील बनाउन नेतृत्वलाई विस्तृत सुझाव दिइएको छ,’ एक जना केन्द्रीय सदस्यले बैठकको सार सुनाउनुभयो । 

वडा कार्यालयलाई पर्याप्त अधिकार भएन

काठमाडौंँ, साउन ९ गते ।  सङ्घीयतासँगै स्थानीय तहको निर्वाचनले आमनागरिकलाई सरकार नजिक भएको महसुुस गराए पनि वडा कार्यालयलाई पर्याप्त अधिकार नहुँदा सेवाग्राहीका लागि सेवा केन्द्र टाढा बनेको छ ।  नेपालको संविधानले सङ्घीय संरचनाअनुसार सङ्घ, प्रदेश र स्थानीय तह गरी तीन तहको सरकार निर्माण गरेको छ ।  तीन तहका सरकारमध्ये स्थानीय तहको सबैभन्दा नजिकको स्थानीय सरकार हो ।  उक्त स्थानीय सरकारभित्रमा पनि वडा कार्यालय अझ नजिकको सरकार हो तर सङ्घीय संरचना अनुसार निर्माण भएको वडा कार्यालयले सिफारिसको काम मात्र गर्ने भएपछि थप सेवाका लागि केन्द्र धाउनुपर्ने बाध्यता सेवाग्राहीमा छ । 

माओवादी केन्द्रले सचिवालय बैठकका निर्णय सार्वजनिक गर्दै

काठमाडौं, साउन ८ । ने.क.पा. (माओवादी केन्द्र)ले शनिबार सम्पन्न सचिवालय बैठकका निर्णयहरु अाज  सार्वजनिक गर्दैछ । प्रवक्ता पम्फा भुसालले सूचना निकालेर पार्टी केन्द्रीय कार्यालय, पेरिसडाँडामा दिउँसो २ बजे विशेष पत्रकार सम्मेलनको आयोजना गरिएकाे जानकारी  दिइन ।हिजाे सम्पन्न बैठकले  पहिलो र दोस्रो चरणको स्थानीय तहको चुनावमा अन्तर्घात गरेका पार्टीका नेता–कार्यकर्तामाथि माओवादीले कारवाही गर्ने निर्णय गरेकाे छ । पार्टी केन्द्रीय सचिवालयको विस्तारिक वैठकमा बोल्दै प्रचण्डले  भने ‘वागी उम्मेदवार हुने, अन्तर्घात गर्ने र अर्को पार्टीको पैसा खानेलार्इ कारवाही गरिन्छ ।६ वटै प्रदेशमा तीन–तीन सदस्यीय कार्यदल बनाएर उनीहरुमाथि छानविन हुन्छ । दोषी पाइए कारवाही हुन्छ ।’ प्रचण्डले भने । विभिन्न जिल्लाबाट अन्तर्घातका उजुरी आएपछि माओवादी दोषीमाथि कारवाही गर्न कार्यदल बनाउने निर्णय गरेको हो ।माओवादी वैठकले २ नम्वर प्रदेशको चुनावी तयारीका लागि साउन १० गते अगुवा कार्यकर्ता भेला गर्ने निर्णय गरेको छ ।  त्यसबाहेक राम्रो जित भएका जिल्लामा त्यहाँका मतदाताहरुलाई संगठनमा ढाल्न पनि जोड दिने माओवादी निर्णय छ ।वैठकमा प्रचण्डले अवको चुनावमा संघीयता विरोधी र गणतन्त्र विरोधीसँग तालमेल नहुँने बताएका छन् ।यसबाहेक माओवादीले संघीय चुनावको प्रतिबद्धता पत्रको मस्यौदा बनाउन नारायणकाजी श्रेष्ठ प्रकाशको संयोजकत्वमा समिति बनाएको छ । यसबाहेक प्रदेश सभाको चुनावका लागि उम्मेदवार छनौटका लागि रामबहादुर थापा बादलको संयोजकत्वमा समिति बनाएको छ ।माओवादीले साउन २० देखि २२ गतेसम्म पार्टीका तर्फबाट निर्वाचित प्रतिनीधिहरुको भेला गर्ने निर्णय गरेको छ ।